タッキー翼 ありがとう
真心以前嘅我從來冇諗過我會追星 更加冇諗過會為一啲連見都冇見過嘅人喊。。。
以前嘅我覺得追星係一樣幼稚 無聊 哂時間嘅事但當我真係陷入其中嘅時候先發現成件剚其實冇表面睇咁簡單。
為一個素未謀面嘅人付出咁多感情 時間 同金錢 真係值得咩？我可以答值得！至少對我嚟講係！
係唔開心嘅時候帶俾我歡樂 係消沉嘅時候帶俾我繼續支持嘅動力 令我學習成為一個更好嘅人。。。呢啲都係追星呢幾年帶俾我嘅野
但係呢啲美好嘅回憶入面永遠都會有一樣唔好嘅野跟住。。唔係有負面新聞亦都唔係佢地要結婚 而係有一日我地唔再可以係舞
台上面見到佢地 唔再知道佢地嘅消息。。。
雖然其實都好清楚呢個事實 但呢一年幾真係發生得太多啦 呢一年解散同退社呢四個字係我飯咗J家咁內以嚟聽得最多嘅一次。。但我從來冇諗過呢四個字會用係佢地身上
タッキー 翼 我唔係飯 但我一直都有留意佢地 雖然呢一年因為翼嘅病暫停活動但我從來都冇諗過會去到呢一步。。。兩個屬於舞台屬於對方嘅人吿別舞台告別對方真係好心痛
雖然我相信男人嘅友情係唔會因爲解散而改變 佢地永遠都係對方最好嘅伴 但一諗到屬於佢兩個嘅舞台永遠都唔會再見到哪時候真係好想喊。。。
或者翼嘅病真係為佢帶嚟太多負擔啦 而タッキー 亦都有更遠大嘅目標 雖然好傷心但我理解佢地嘅決定 宜家只希望翼可以快啲好返再次返到屬於佢嘅舞台 而タッキー 係將來可以創造出一個比宜家更厲害嘅舞台俾觀眾。
呢15年嚟 多話你地 。
天下無不散之筵席 所有美好嘅事都會有完結既一日 真係只有珍惜當下先唔會後悔。
#タッキー翼ありがとう
V6 結成23週年おめでとう☆
23 年 8401日，
真心好興幸我可以參與其中，雖然我只係同你地相伴咗273日，但好多謝你地係呢段時間帶俾我嘅所有。尤其係ぐっさん個件事之後。。。
係呢大半年因為有你地，我大部分時間都過得好開心~
マサ 係舞台個時同對住member同對住博嘅時候嘅反差萌
博 嘅溫柔 對美食嘅執著 仲有冇人比得上嘅顴骨
イノッチ 無時無刻嘅元氣
剛 魔性嘅笑聲 對住健個時嘅寵溺
健 自由又奔放嘅性格
准一 飄忽嘅美貌 (笑)
所有所有都令到今年變得更美好
從來都唔係一個好識得表達自己嘅人，亦唔識得用啲華麗嘅詞藻，我只係可以直白咁寫底我當下嘅心情。
呢一刻我最想講嘅係呢23年嚟多謝你地，未來繼續請你地多多指教啦
